كم يكفيني اذا بدرس على حسابي
السلام عليكم
شباب انا ناوي اكمل ماستر بس بما انو المعدل نازل انا ناوي اروح على حسابي وبعدين اقدم على الملحقيه
الي ابي اعرفه كم يكفيني فلوس لحد ما يجيني القبول من الملحقيه وانضم على حساب الدوله
برضو ابغا اعرف ايش الولايه الاقل تكاليف من حيث السكن والدراسه وبرضو يكون فيها جامعه سمعتها كويسه
عشان احاول اجيب القبول منها باسرع وقت
مع العلم ان تخصصي علوم حاسب (2.80:dry:)
بانتظار ردودكم عشان الحق اراسل الجامعه:tongue4:
رد: كم يكفيني اذا بدرس على حسابي
هلا اخوي ..
بفيدك باي اعرفه وان شاء الله الله يسهل عليك
شف رآتب المبتعث بأمريكا 1850 دولار تقرييبا @@
والمبلغ هذا المفروض انه يكفي الطآلب لمده شهر
واذا المبلغ ما يكفي ما كان صرفته الدوله للمبتعثين
عموما انت بأذن الله راح تلتحق بالبعثه بحدود 3 شهور او 4 بأقصى حد
خذ معك بحدود 5000 دولار محد عآرف وش ممكن يصير معك هناك
ولا تنسى اكيد فيه فندق ومصاريف ضروريه
وكل شئ يرجع لك بالنهايه انت وصرفك
رد: كم يكفيني اذا بدرس على حسابي
المشكلة انك ماتقدر تعتمد على مسألة الانضمام للبعثة بسهولة
اذا بتاخذ احتياطاتك اتوقع 100000 (مئة الف ريال) الى مئة وعشرين الف ممكن تكفي لمدة سنة (معيشة وسكن ودراسة)
طبعاً في الولايات الرخيصة مثل اوكلاهوما و ميزوري و الباما و كنتاكي واوهايو .
المصاريف غالباً ماتكون في معهد اللغة والسكن .. اذا حصلت معهد رخيص وسكن رخيص بتكون امورك تمام
لان المعيشة انت اللي بتتحكم فيها ممكن تضغط على نفسك شوي .. وان شاء الله المبلغ بيكفي ويزيد .
اما اذا انضميت للبعثة بدري ... اكيد هذا شيء ثاني وبتلاحظ انك ماصرفت ولو ربع المبلغ .
الله يوفقك
رد: كم يكفيني اذا بدرس على حسابي
الله يعينك اخووووووووووووي
رد: كم يكفيني اذا بدرس على حسابي
شاكر لكم مروركم اخواني وياليت القى اجابه اكثر تفصيل خصوصا سؤالي عن ولاية قليلة التكاليف ويكون فيها جامعه سمعتها كويسه
رد: كم يكفيني اذا بدرس على حسابي
الف شكر لموضوعك اخوي وكآن الله بعونك
وانا نفس الطريقه ان شاء الله ناوي اطلع اكمل ماستر على حسابي نسأل الله التوفيق والسداد ..
السؤال الاول : هل لو انضميت للبعثه .. بعد اربعه او خمسه شهور بحد اعلى كما ذكرو الاخوه .. هل الدوله راح ترجع اللي صرفت هناك من رسوم وايجار الخ .. ؟؟؟؟
السؤال الثاني : انا راح اطلع لحالي في البدايه علما بأني متزوج ولدي ولدين هل لو راح انضم للبعثه لازم يكونو معي وقتها او لا؟ عشان تعرفون اللي متزوج يفرق راتبه في البعثه اذا كان لحاله او معه اهله ...
شاكر لكم
رد: كم يكفيني اذا بدرس على حسابي
رد: كم يكفيني اذا بدرس على حسابي
ياسااتر .. اي مبتعث عند معلومه عند السؤالين اللي فوق يفيدناا ,, مو صعبه :(
رد: كم يكفيني اذا بدرس على حسابي
للرفع ... اللي عنده معلومه يامغيث :(
رد: كم يكفيني اذا بدرس على حسابي
ولو شباب خلص العيد يلا عاد همتكم معانا
رد: كم يكفيني اذا بدرس على حسابي
اقتباس:
المشاركة الأصلية كتبت بواسطة Hassan_r_sh
السؤال الاول : هل لو انضميت للبعثه .. بعد اربعه او خمسه شهور بحد اعلى كما ذكرو الاخوه .. هل الدوله راح ترجع اللي صرفت هناك من رسوم وايجار الخ .. ؟؟؟؟
اذا دفعت اي رسوم للدراسة الجامعية ترجع لك (الرسوم اللي دفعتها في نفس السنة فقط) اما المعهد والاجارات والصرف طبعاً لا .
اقتباس:
المشاركة الأصلية كتبت بواسطة Hassan_r_sh
السؤال الثاني : انا راح اطلع لحالي في البدايه علما بأني متزوج ولدي ولدين هل لو راح انضم للبعثه لازم يكونو معي وقتها او لا؟ عشان تعرفون اللي متزوج يفرق راتبه في البعثه اذا كان لحاله او معه اهله ...
شاكر لكم
اذا انضميت للبعثة ان شاء الله .. وقتها تجيبهم وتسجلهم مرافقين وينزل لكل واحد منهم مكافأة مرافق (اللي هي نصف مكافأة المبتعث تقريباً) .
الله يوفقكم جميعاً
رد: كم يكفيني اذا بدرس على حسابي
انا معي 80000 الف سعودي برووح لمريكا ..
هلا تكفي لما انظم للبعثه
رد: كم يكفيني اذا بدرس على حسابي
اقتباس:
المشاركة الأصلية كتبت بواسطة salman20
انا معي 80000 الف سعودي برووح لمريكا ..
هلا تكفي لما انظم للبعثه
أعتقد أخي تكفي وتزود
وراح تكفيكـ لمده لا تقل ع 8 شهور قد تصل إلى سنة
لين تلتحق بأذن الله
اللتحاق
من خلال بحثي بالنت
وأسئلتي للأخوان بهذا المنتدى وخارجه
مايطول تقريباً 6 شهور
وأنا طال سنة
هذا كله بعد توفيق من الله والله كريم
بس أنت أختبار ولايات رخيصة
مثل
كنتاكي اوهايو اورقين كلورادو اوكلاهوما إنديانا تينسي
وهاذين الموضوعين راح يفيدونكـ
http://www.mbt3th.us/vb/forum8/thread212670.html
http://www.mbt3th.us/vb/forum8/thread213022.html
ع فكره أنا طالع ع بداية السنة الجديد
ع حسابي ومعاي تقريباً 50 إلى 70 ألف
وحاط ببالي ولاية كنتاكي أعتقد أنها الأرخص من خلال بحثي
ثانيا كلورادو سمعت انها سهله للدراسة وحلو وفيها جبال الروكي
بعدها أوهايو مدينة حلو وموقعها مميز
تقريباً ع الحدود مع كندا
3 ساعات وأنت عند شلالات نياجرا
بالأخير أوقين بعد رخيصة ومافيها ضرائب << أكيد مافيها ضرائب يعني رخصية
والله يوفقكـ يارب
رد: كم يكفيني اذا بدرس على حسابي
الله يكون بعونكم
وانا والله مثلكم ناوي اطلع ع حسابي اكمل بكالوريوس محاسبة
وعلماً باني متزوج بمحتار اخذ زوجتي معي ولا انتظر الا ان يتم ترشيحي للملحقية
رد: كم يكفيني اذا بدرس على حسابي
اقتباس:
المشاركة الأصلية كتبت بواسطة إبراهيم الدوسري
الله يكون بعونكم
وانا والله مثلكم ناوي اطلع ع حسابي اكمل بكالوريوس محاسبة
وعلماً باني متزوج بمحتار اخذ زوجتي معي ولا انتظر الا ان يتم ترشيحي للملحقية
الله يوفقكـ يارب
ماعندي خبر الأخوان المتزوجين يفيدونكـ
بس من رائي أنكـ تروح لحالكـ الحين
لين تلتحق ع شأن تكون معكـ مرافقه ويمشي لها راتب
رد: كم يكفيني اذا بدرس على حسابي
اقتباس:
المشاركة الأصلية كتبت بواسطة The Arrow
اذا دفعت اي رسوم للدراسة الجامعية ترجع لك (الرسوم اللي دفعتها في نفس السنة فقط) اما المعهد والاجارات والصرف طبعاً لا .
اذا انضميت للبعثة ان شاء الله .. وقتها تجيبهم وتسجلهم مرافقين وينزل لكل واحد منهم مكافأة مرافق (اللي هي نصف مكافأة المبتعث تقريباً) .
الله يوفقكم جميعاً
ماقصرت الله يجزاك الخير ان شاءء الله ويجعلها في موازين حسناتك .. لاهنت
رد: كم يكفيني اذا بدرس على حسابي
انا وزوجي بنروح امريكا وكثير محترين لانههو يدرس بكالريوس محاسبه
وانا بدرس بمعهد جامعه طبعا موثوق لكن خايفه الفلوس ماتكفي لانه حاليا مامعنا الا 100000
وطبعا على حسابنا الخاص وصراحه ارتحت لواشنطن بس احسها غاليه لكن انا احب الاماكن الترفيهيه يعني اهم شي ماتكون كئيبه ومافيها عنصريه ويحترمون الاسلام وفنادقها نظيفه مو غاليه
بليييييز والله صرت ماانام من التفكير ابي نسفر ونخلص لكن مالقيت جواب وكل شخص يقول ولاية ابي الامان وماتكون كئيبه وش تنصحوني يكفي الفلوس او لا
رد: كم يكفيني اذا بدرس على حسابي
ياليت احد يفيدناا عن ولاية اوهايو ولا كنتاكي ولا اندياناا
وهل المعهد يعطي قبول مشروط وكم تكلفة المعهد للمستوى وكم مستوى
وكم تكلفة السكن
يليت احد يفيدنااا
رد: كم يكفيني اذا بدرس على حسابي
اقتباس:
المشاركة الأصلية كتبت بواسطة اميرة مميزه
انا وزوجي بنروح امريكا وكثير محترين لانههو يدرس بكالريوس محاسبه
وانا بدرس بمعهد جامعه طبعا موثوق لكن خايفه الفلوس ماتكفي لانه حاليا مامعنا الا 100000
وطبعا على حسابنا الخاص وصراحه ارتحت لواشنطن بس احسها غاليه لكن انا احب الاماكن الترفيهيه يعني اهم شي ماتكون كئيبه ومافيها عنصريه ويحترمون الاسلام وفنادقها نظيفه مو غاليه
بليييييز والله صرت ماانام من التفكير ابي نسفر ونخلص لكن مالقيت جواب وكل شخص يقول ولاية ابي الامان وماتكون كئيبه وش تنصحوني يكفي الفلوس او لا
راح أتكلم معاكـ من خلال بحثي المتواصل لمدة شهر أو أكثر
شوفي أختي بما أنكم شخصين
مائة الف راح تكفيكـ حدود سنة تقريباً أو أقل شوي
لأنكم أثنين
أما لو شخص واحد تكفيه حدود سنة ونص أو أكثر
أذا أخذنا بالحسبان لابد من أختيار ولاية رخيصة
وعندكـ مواضيع كثيرة تتكلم عن هذا الموضوع
وفيه موضوعين فوق أنا منزلهم بأحد الردود
أبتعدي ع الولاية الكبيرة والمشهور
بعدين مالكـ بالترفية انتي طالعه ع حسابكـ
يعني لازم نحسب الريال وين نصرفه
يعني بين فترة وفترة ترحون لحديقة حيوان أو ملاهي
بس بشكل دوري أو أسبوعي
في ولاية كنتاكي و ولاية واريقن أعتقد انهم الارخص
والافضل
والمعيشة بهاتين الولايتين هما الافضل للدراسة والامان
خاصة أوريقن طبيعه خلابه
كلورادو سمعت انها سهله للدراسة وحلو وفيها جبال الروكي
وأسعار هالولاية لا تختلف كثيراً عن كنتاكي واريقن
بالنسبة للسكن بما أنكم أثنين أكيد راح تسكنون بشقة
ماراح أتكلم ع سعرها
لكن راح أتكلم عن المعيشة
أكيد راح تطبخين بالشقة لكي توفر لكم فلوس
راح تكلفكـ متطلبات الطبخ من وإلى حدود 400 دولار شهرياً تقل أو تزيد
ع حسب حاجتكم
رد: كم يكفيني اذا بدرس على حسابي
اقتباس:
المشاركة الأصلية كتبت بواسطة الفتى المهاجر
ياليت احد يفيدناا عن ولاية اوهايو ولا كنتاكي ولا اندياناا
وهل المعهد يعطي قبول مشروط وكم تكلفة المعهد للمستوى وكم مستوى
وكم تكلفة السكن
يليت احد يفيدنااا